शरद पवार यांचे राजकारण संपले आहे. असं देवेंद्र फडणवीस बोलले होते. त्यावेळी चमत्कार घडला होता, आणि आता ते टीका करत आहेत. फडणवीस टीका करतात त्यावेळेस चमत्कार घडतो. २०२४ मध्येही चमत्कार घडवून आणू असा विश्वास नवाब मालिक यांनी व्यक्त केला.
फडणवीस जेव्हा शाळेत होते तेव्हा भाजपाचे दोन खासदार होते. असा चिमटा नवाब मालिक यांनी फडणवीस यांना काढला आहे. शरद पवार यांनी पंतप्रधान पदाची स्वप्ने खुशाल पाहावी पण खासदारांचा आकडा दहाच्या पुढे गेला नाही. असा टोला काल फडणवीस यांनी पवारांना लावला होता त्याला आज मालिक यांनी प्रतिउत्तर दिले आहे.
जेव्हा फडणवीस शाळेत जात होते तेव्हा भाजपाचे दोन खासदार होते आणि ते डबल सीट संसदेत जात होते. १९८४ साली भाजपाचे दोन खासदार होते. हे तुम्ही विसरला का असा सवाल मालिक यांनी फडणवीस यांना केला आहे. ही लोकशाही आहे, इथे कोणी अमृत पिऊन सत्तेत बसत नाही. पवार किंवा राष्ट्रवादी कॉंग्रेसने कधीच पवारच पंतप्रधान होतील असा दावा केला नाही. उलट पवार साहेब सर्व राजकीय पक्षांना एकत्र आणण्याचे काम करत आहेत. विरोधकांच्या एकीमुळे मोदी सरकार सत्तेबाहेर जात आहेत.
काय म्हणाले होते फडणवीस
माझ्या पवारांना खूप शुभेच्छा आहेत, स्वप्न पाहणं वाईट नाही. त्यांच्या पार्टीच्या जन्मापासून हे स्वप्न पाहत आहेत. पण त्यांचा पक्ष 10 चा आकडा पार करू शकत नाही.त्यामुळे मला वाटतं की ठीक आहे. आज त्यांचा जन्मदिवस आहे. त्यांना वाढदिवसाच्या खूप शुभेच्छा असा टोला फडणवीस यांनी लगवाला होता.
